Nok eit reisebrev

Det er fare for at det blir nokre reisebrev på denne bloggen i løpet av valkampen. No sit eg og ventar på ferja på Vestnes. Må koma meg over til rosenes vakre by for å overnatte, og ferja går ikkje før nærare midnatt.

I ferjefylket Møre og Romsdal er vi mange som er avhengige av å ta ferjer dagleg eller vekentleg, og det er stort sett noko herk. Men eg må innrømme at eg er ein liten ferjeromantikar også, for eg tykkjer det gjer godt med ein pause somtid. Og så er det mange trivelege folk å småprate med – både tilsette og medpassasjerar. Likevel er det ikkje tvil om at talet på ferjestrekningar må ned.

Mange lokalsamfunn og bedrifter blir hindra frå å utvikle seg når vegen i praksis er stengt store delar av døgnet. Kyststamvegen E39 burde vera ferjefri. Møreaksen og ein ferjefri Halsafjord må på eitt eller anna tidpunkt koma på plass. Og Trollheimstunnelen må sveise Sunndal og Surnadal (og dermed Vestlandet og Trøndelag) endå betre saman.

Regjeringa har lagt betre til rette for at slike ferjeavløysingsprosjekt kan realiserast ved mellom anna at ferjetilskotet kan vidareførast som ein del av finansieringa av slike prosjekt i inntil 30 år. Men meir pengar må til. Så får eg vera så romantisk som eg berre vil – færre skal måtte sitje aleine i ein bil og vente på ei eller anna ferje i surt regnvêr ved midnatt i åra som kjem.

Vist 336 ganger. Følges av 1 person.

Kommentarer

NYNORSK..
Les nrk teksttv. Les Jenny Klinge. Nynorsk er som riksmål; humbug. Greit med dialekt, men når mål blir blandet med det konservative og det radikale er vi ut og kjører. dessuten stemme e ik.

NYNORSK
mente naturligvivis bokmål. Grøt. Det skrivde blir aldri skrevet.

Jens Bjørneboe.
Han var en mann. Falt ned mange grader hos meg nu. Hans Hyldbakks kattegorri. En unnskyldning har holdt. Tilgivelse er innsyn i det vonde. Når Du vet .

Annonse